Systema Naturae per regna tria naturae: secundum classes, ordines, genera, species, cum characteribus, differentiis, synonymis, locis Author Linnaeus, Carolus text 1758 Laurentius Salvius Stockholm https://archive.org/download/mobot31753000798865/mobot31753000798865.pdf book 2C6327E1-5560-4DB4-B9CA-76A0FA03D975 https://doi.org/10.5962/bhl.title.542 3922206 Homo sapiens subsp. asiaticus [ subspec. nov. ] luridus, melancholicus, rigidus. Pilis nigricantibus Oculis fuscis. Severus, fastuosus, avarus. Tegitur Indumentis laxis. Regitur Opinionibus. Naturaliter : Te audacis naturae miraculum, Animalium Principem, cujus caussa cuncta genuit natura, esse animal flens, ridens, melodum, loquens, docile, judicans, admirans, sapientissimum; sed fragile, nudum, suapte natura inerme, ad omnem fortunae contumeliam projectum, alienae opis indigens, anxiae mentis sollicitaeque tutelae, precarii spiritus, pertinacis spei, querulae vitae, tardae sapientiae. Temporis annihilati emortui contemtorem, praesentis vividi dilapidatorem, futuri dubii aestimatorem in vita volucri pretiossima, irrevocabili, sic optima quaeque dies miseris mortalibus aevi prima fugit; alium ad quotidianum opus laboriosa Egestas vocat; alium Luxus incarcerat, altilemque suffocat; alium Ambitio numquam quieta sollicitat: alius Divitiis, quas optaverat, metuit, & voto laborat suo; alium Solitudo, alium semper estibulum obsidens turba. Hic se habere dolet Liberos, hic se perdidisse; Lacrymae nobis deerunt ante quam caussae dolendi. Sed quousque nos malos nostra mala rapuere: circumferre pericula, ruere in ignotos, iratos sine injuria, ferarum more occidere quem non oderimus, secundos optare ventos, quorum felicitas est ad bella perferre; parum videlicet ad mortes nostras terra late patet. Senec. Caetera animantia congregari contra dissimilia, an{?X} Homini plurima ex homine mala. Plin. Politice: Te recti loco tenere errorem publicum factum, qui te vix enixum consvetudinis larva induit, nutrit, educat, alit, regit, secundum quam honestus, fortis, sapiens, moratus, pius existimaris; Cum gubernatus Opinione vivas ad Consvetudinem, nec ad Rationem. Te, inter perituros constitutum, cum nulli contigit impune nasci, beneficii loco petere, ut ultimus cervicem praebeas, dum interim, dulci fortuna ebrius, colligendo in crastinum Lapillos fortunae certas, verbis in furorem ageris, aliter theoretice pios odio persequeris, quantosque tumultus excitas, non ut servias, sed cui; nugis irrevocabile tempus consumis; immortalia aeternaque animo volutas, de seris nepotibus pronepotibusque disponis, novas spes oblitus conditionis Tuae ponis, cum interea longa conantem mors opprimit, at in agone oculos aperiens (#g+%>{?X} a n u j v p o w#g-) somnium primo observas; Sic vivimus ut immortales & morimur ut mortales. Senec. Moraliter : Te sub rudi larva Ineptum, Lascivum, Imitatorem, Ambitiosum, Prodigum, Solicitum, Astutum, Austerum, Invidum, Avarum, transformari in Attentum, Castum, Consideratum, Modestum, Sobrium, Tranquillum, Sincerum, Mitem, Beneficum, suis Contentum. Uni animantium Luctus , Luuria, Ambitio, Avaritia, Vivendique cupido ; curat atque etjam post se de futuro. Plin.