Hortus floridus in quo rariorum & minus vulgarium florum icones ad vivam varamq [ue] formam accuratissime delineatae et secundum quatuor anni tempora divisae exhibentur incredibili labore ac diligentia Crisp. Passaei junioris delineatae ac suum in ordinem redactae Author van de Passe, Crispijn text 1614 Ioannem Ianssonium Arnheimij www.worldcat.org/oclc/1225402‎ book XXVI. TULIPA LATIFOL. PRAECOX PURPUREO FLORE. ALBO FLORE. FLORE EX PURPURA RUBIVENTI, ORIS ALBIS Ex Bulbosum florum numero & Tulipa est, flos peregrinus; cuius differentes sunt species maxima colorum varietate luxuriantes. Maioribus fere eadem omnibus forma est; folia eis bina aut terna, crassa, oblonga, lata, per oras subinde modice reflexa, quae cum primum erumpunt, modice rubere videtur , adulta vero albicant: caulis inter ea exit pedalis, aut paulo altior; cui unicus flos insidet sursum spectans, e senis foliolis, patenti profundiori & aliquatulum angustioris oris cyatho, aut inverso huius formae pileo quodammodo similis; quie fere inodurus est. Semen cartilaginosum, planum, in capitulis nascitur, quae maturato semine in tres dehiscunt partes. Radix bulbosa est, a Narcissi bulbis parum distans. Hic tres flores coloribus differentes, exprimuntur; quorum primus, prupureo violae colore, non tamen aequali , sed multa varietate differente, vestitur, secundus frigioris omnium impatientissimus, albus est, roseis licet interdum aut purpureis lineis aut venis intercurrentibus ornetur: tertius phaeaniceo fere est colore, ad pupureum nonnhihil tendete , unguibus ac oris albentibus spectabilis, qualem nuper in cultissimo Wolfwinckelij horto summa delctatione vidimus.